Вардар првпат во Топ-3 во рангирањето на ЕХФ

Пред четврт-финалето на ЛШ, медиа делот на ЕХФ составен од еминентни новинари кои ги следат натпреварите го направи и последното рангирање на тимовите што стигнаа до Топ-8 фазата. Тука Вардар за првпат се најде на пиедесталот, на третото место што е најдобар успех за „црвено-црните" досега.

Претходно двапати вардарци се најдоа меѓу четирите најдобри екипи во лигата на шампионите. Ваквото рангирање се прави неколкупати во текот на годината и многу често е вистински показател за следните резултати на тимовите. Истото се прави врз основа на последните резултати и формата во која са наоѓа тимот, но истовремено и се предвидува како истиот тим би завршил во следниот период.

ЕХФ преку својата мрежа на новинари кои работат за првпат Вардар го стави во групата на тимови што не само што сигурно би требало да игра на завршниот турнир, туку и се предводува дека ќе го освои бронзениот медал. Вардар има голем напредок од претходното рангирање, бидејќи пред десетина дена триумфираше во СЕХА лигата, и тоа во конкуренција на четири тимови што сезонава играа во Топ-16 фазата, а Веспрем е исто така учесник во четврт-финалето на ЛШ.

Во објаснувањето при правењето на ова рангирање за Вардар се вели:

„Четврта среќа? Најмалку што верува гордиот град Скопје е дека е доволно од четвртфиналиња. Досега четирипати стигнуваа до четврт-финале, но никогаш во Келн. Женскиот тим тоа веќе го постигна, но играчите на Раул Гонзалез мора да се сретнат но нивниот дух од минатото, со Флензбург кој го победи Вардар по неверојатен четвртфинален меч. Овојпат македонскиот тим е фаворит за пласман во Келн. Вардар победи во својата група, и го прескокна осминафиналето и имаа време да се подготват за Ф4 турнирот на СЕХА лигата, каде ја покажаа силата победувајќи го Веспрем. Тие имаат тенденција да потфрлат во важни натпревари, но ова е најсилниот Вардар досега, се вели во објаснувањето.

На ранг листата
1. Барселона
2. ПСЖ
3. Вардар
4. Веспрем
5. Флезбург
6. ПИК Сегед
7. Монпелје
8. Кил

На 22 април Вардар гостува во Германија кај Флензбург на првиот четврт-финален натпревар од ЛШ.

среда, 19 април 2017 - 20:53