Тројца вардарци на репрезентативниот список за ЕХФ неделата во јануари

Селекторот на машката сениорска репрезентација, Данило Брестовац го објави списокот на повикани ракометари за претстојниот собир во јануари, на кој се наоѓаат и тројца вардарци. Тука се Филип Талески и Марко Мишевски, како и Мартин Карапалевски кој е меѓу резервите

Оваа ЕХФ недела селекторот ќе ја искористи за подготовки за претстојните квалификациски натпревари против Данска во март и во април со Финска и Швајцарија за пласман на ЕП 2022 во Словачка и Унгарија.

Подготвките на сениорите ќе бидат од 3 до 10 јануари и во тој период веројатно ќе се одиграат и две контролни средби со репрезентацијата на Чиле која ќе се подготвува во Скопје пред заминувањето за Египет на СП.

Меѓу стандардните репрезентативци кои досега беа повикувани се и Стојанче Стоилов, Борко Ристовски и Гоце Георгиевски, но тие на овој собир нема да бидат, туку местото ќе им го отстапат на оние ракометари што селекторот сака да ги провери и да им даде шанса да се наметнат.

вторник, 29 декември 2020 - 14:15