Познати термините за осминафиналните дуели од ЛШ со ППД Загреб

Европската ракометна федерација (ЕХФ) заедно со клубовите учесници во осмина-финалето на Лигата на шампионите и ТВ куќите што ги имаат правата ги одредија термините за одигрување на натпреварите. Вардар во осмина-финалето ќе игра со ППД Загреб, а победникот од овој двомеч ќе се пласира во Топ-8 фазата.

На првиот натпревар домаќин е хрватскиот тим, и тој е закажан за 23 март (сабота) 2019 година во 20,30 часот во Арена Загреб.

Реваншот во Скопје е закажан за 30 март (сабота) 2019 година во 19,30 часот.

Наскоро ќе има и повеќе детали околу билетите за осминафиналниот меч што се игра во Скопје.

среда, 6 март 2019 - 15:13