Бесплатен превоз за пречек на ракометарите на аеродромот „Александар Велики“

Европскиот ракометен првак Вардар во Скопје треба да се врати утре на аеродромот „Александар Велики" во 11,15 часот со летот од Дортмунд. За сите што сакаат да ги пречекаат најдобрите ракометари во Европа уште на аеродром ќе има обезбеден бесплатен автобуски превоз.

ЈСП Скопје организира бесплатен автобуски превоз за дочек на ракометарите на аеродромот „Александар Велики" – Скопје.

Термините и локциите на тргнување на автобусите се следни:
1. Ѓорче Петров
Тргнува од Црква „Св. Петар и Павле" во 09:30 часот, со застанување на следните локации:
- City Mall,
- Хотел Карпош (наспроти Хотел Карпош кон центар) и
- Македонски Пошти.

2. Кисела Вода
Тргнува од почетен Терминал на линија 24 во 09:30 часот, со застанување на следните локации:
- Општина Кисела Вода,
- Транспортен Центар (Бензинска пумпа Макпетрол) и
- Алкалоид (Автокоманда).

3. Аеродром
Тргнува од Т.Ц. Скопјанка (пред Тобако 2) во 09:30 часот, со застанување на следните локации:
- Т.Ц. Бисер,
- Пошта (Ново Лисиче),
- ФФМ (Ново Лисиче) и
- Слаткарница Шарлота (автопат на излез од Маџари).

понеделник, 5 јуни 2017 - 16:16