Aкредитирање на натпревар од ЕХФ лига на шампиони меѓу Вардар 1961 и ПИК Сегед

* акредитирање директно во клуб најдоцна до среда, 24.11.2021
* присуство на ограничен број новинари на трибина
* ограничен број фотографи зад головите
* Дозволен влез само согласно одлуката на Влада (целосно вакцинирани, прележан Ковид-19 во последни 45 дена)
* задолжително одржување дистанца, носење маска цело време во сала
* микс зона и земање изјави после натпревар само за акредитирани ТВ
* прес – конференција директно пренесувана на Facebook и Instagram на клубот
* дозволено присуство на прес-конференција во ограничен број согласно одлуките на Владата (вакцинирани, прележан Ковид-19, носење маска..)

Пред одигрувањето на натпреварот од ЕХФ лигата на шампионите во сезоната 2021/2022 против екипата на ПИК Сегед, Унгарија ве известуваме дека натпреварот ќе биде организиран согласно протоколот за работа и одржување натпревари усвоен од Комисијата за заразни болести при Министерството за здравство на Република Северна Македонија. Истиот ќе биде со ограничено присуство на публика и со ограничен број на претставници на медиумите. Сите кои ќе бидат присутни во салата треба да се придржуваат согласно протоколите од последната одлука на Владата.

Натпреварот е закажан за 25 ноември 2021 година со почеток во 20,45 часот во СЦ „Јане Сандански" во Скопје.

Со зел да се запазат сите препорачани мерки на претпазливост ве информираме дека ќе има ограничениот број на места за новинарите и фотографите за овој натпревар.

Сите редакции кои сакаат да имаат свој претставник на натпреварот ќе мораат ДА СЕ АКРЕДИТИРААТ директно во клубот. Клубот го задржува правото на одобрување или одбивање на бараните акредитации, во согласност со можностите.
Сите ТВ станици, Радио и ВЕБ ТВ акредитирањето треба да го направат директно во ЕХФ Маркетинг (линк до формуларот во прилог)најдоцна три дена пред натпреварот.

accreditation_form_mcl_21_22_group_phase.xls

Максималниот број на новинари на трибината што ќе може да бидат присутни е ограничен на 20. Сите ќе бидат на трибината за новинарите и секој ќе има свое место за седење и ќе треба да се одржува препорачаната дистанца.

Бројот на фотографи исто така ќе биде ограничен и ќе може да влезат во салата вкупно 8 фотографи. Движењето на фотографите е ограничено исклучиво зад головите и без можност да се користи страната каде се сместени клупите на резервните играчи.

Сите барања за акредитации треба да бидат испратени од ОФИЦИЈАЛЕН Е-МАИЛ НА РЕДАКЦИЈАТА најдоцна до СРЕДА, 24 НОЕМВРИ 2021 година ДО 10 ЧАСОТ на следната адреса:

media@rkvardar1961.com

Местото на влез во салата ќе биде дополнително потврден, и на самиот влез секој акредитиран новинар и фотограф ќе треба да покаже сертификат за ЦЕЛОСНА вакцинација или потврда за прележан Ковид-19 во последни 45 дена.
Доколку не се покаже соодветна потврда за вакцинација или прележан Ковид-19 нема да може да се влезе на натпреварот дури иако има одобрена акредитација.

Со цел да не се создаде метеж пред натпреварот ве молиме навреме да дојдете во сала бидејќи влегувањето ќе трае подолго од вообичаената процедува.

За време на движење во салата и за време на натпреварот задолжително е користење на маски на лицето. Движењето во салата треба да се сведе на минимум. Се препорачува да имате со себе вода или течност за пиење бидејќи во салата нема да има продажба на пијалаци.

По натпреварот ЌЕ ИМА ПРЕС КОНФЕРЕНЦИЈА КОЈА ЌЕ БИДЕ ПРЕНЕСУВАНА НА КЛУПСКАТА ФЕЈСБУК СТРАНИЦА,
ЌЕ БИДЕ ДОЗВОЛЕНО ПРИСУСТВО НА НОВИНАРИ НА ПРЕС-КОНФЕРЕНЦИЈАТА.
Можност за земање изјави на терен или покрај теренот односно пред паното на ЕХФ ќе биде овозможено само за акредитираните ТВ куќи за кои ЕХФ ќе даде одобрени.

Со почит,

недела, 21 ноември 2021 - 10:19

Share on Facebook