Во следните три недели ќе трае регуларната продажба на сезонски билети за натпреварите на РК Вардар. Билетите може да се купат он лајн на www.ticketplus.mk и на билетарницата на СЦ „Јане Сандански".
Утре, петок (4 август 2017) е последен ден за замена на старите сезонски билети за нови за сезоната 2017/2018. Во приоритетната продажба нашите фанови ќе можат да го купат само истото место што го имале изминатата сезона.
По еднонеделно тренирање во Скопје, ракометарите на европскиот првак Вардар продолжуваат за Словенија каде ќе се подготвуваат на Крањска Гора. На висински подготовки отпатуваа 20 ракометари, што ги има на располагање тренерот Раул Гонзалез.
Тројца ракометари од екипата на Вардар јуниор во иднина ќе тренираат со сениорски тим. Тоа се голманот Даниел Ѓорѓески, крилото Мартин Поповски и бекот Тоше Ончев. Тие веќе ги почнаа подготовките со екипата за новата сезона.
Денеска и утре се последните денови за да се фотографирате со трофејот од лигата на шампионите како дел од „Отворениот ден на Вардар", а потсетување дека уште една недела ќе трае замената на сезонските билети за натпреварите на Вардар.
Европскиот првак Вардар од утре, 27 јули повторно се собира за да ги почне подготовките за новата сезона во која се брани трофејот освоен во Келн минатиот месец.
