„Еден живот, една љубов“ и за мини ракомет

Турнирот „Еден живот, една љубов" викендов продолжува со натпреварите во мини ракомет, наменети за момчиња и девојчиња родени 2010 година и помлади. Во спортскиот центар „Јане Сандански" в сабота, 26 јануари, натпреварите почнуваат во 10 часот и завршуваат во 15.20.

Во оваа категорија се натпреваруваат 8 екипи и тоа Ѓорче Петров Вардар и Драчево Вардар, како и Будимир Вардар и Делчево Вардар со по три екипи.

Во мини ракомет нема рангирање на екипите кои се натпреваруваат. Идејата е децата да се забавуваат и да го засакаат ракометот како спорт, а учеството на натпреварите овозможува децата да се запознаат и со играта со противник. Учат да играат пред публика и да се носат со притисокот која екипа ќе даде повеќе голови. При тоа се запознаваат со спортската култура и со фер плејот меѓу противниците како на теренот, така и надвор од него. Најважно за тренерите е да видат до каде напредувале неговите млади играчи во однос на останатите врсници.

Со еднодневни натпревари во мини ракомет ќе заврши и зимскиот турнир 2019.

Распоред за натпреварите во мини ракомет: 2010_i_pomali.docx

петок, 25 јануари 2019 - 17:18